Лавров: Русофобните земји на ЕУ се пречка за зајакнување на руско-хрватските односи
- Детали
- Категорија: Свет
- Создадено: 27 Октомври 2020
Рускиот министер за надворешни работи Сергеј Лавров изјави дека русофобните земји од ЕУ и санкциите се пречка за понатамошно зајакнување на руско-хрватските односи.
„Санкциите или, подобро кажано, виорот на санкции што го промовираат Брисел и бројни русофобни земји во рамките на ЕУ по директна наредба на Вашингтон, продолжуваат да бидат сериозна пречка за натамошно зајакнување на руско-хрватските врски. Неодамна, ваквата антируска линија стана многу поактивна", рече Лавров во интервју за загрепски „Вечерњи лист“.
Тој така одговори на прашањето што доведе до ќор-сокак во руско-хрватските односи и кои се препреките за да се подобри соработката на ниво што го имаат Словенија или Србија.
Лавров, сепак, рече дека нема да ги квалификува билатералните односи како ќор-сокак, потсетувајќи на низата состаноци што ги имаше со хрватските власти во последните неколку години, како и на економската соработка.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
