1-ва Скопска - МТМ Телевизија

Кина му обезбедила експериментална вакцина против коронавирус на севернокорејскиот лидер Ким Џонг-ун и неговото семејство, тврди американскиот аналитичар Хери Казианис, кој се повикува на два неидентификувани јапонски разузнавачки извори.

Казианис е експерт за Северна Кореја во тинк-тенк Центар за национални интереси во Вашингтон. Тој вели дека семејството на Ким и неколку високопозиционирани севернокорејски функционери се вакцинирани против коронавирус, пренесе „Ројтерс“.

„Не е познато која компанија го доставила својот кандидат за вакцини на семејството Ким и дали е докажано дека лекот е безбеден“, додаде тој.

Повикувајќи се на американскиот медицински експерт Питер Хотез, Казианис додава дека најмалку три кинески компании развиваат вакцина против Ковид-19, вклучувајќи ги „Синовац Биотек“, „Кансинобио“ и „Синофрам груп“.

Некои експерти се сомневаат дека Ким би примил експериментална вакцина.