Фишер: Годинава нема да биде постигнат колективен имунитет во светот
- Детали
- Категорија: Свет
- Создадено: 12 Јануари 2021
Програмите за вакцинација нема да обезбедат колективен имунитет од светската пандемија годинава, изјавија неколку здравствени експерти, забележувајќи дека има ограничен пристап до сиромашните земји, проблеми со довербата во заедницата и потенцијални мутации на вирусот.
Дејл Фишер, шеф на Глобалната мрежа за предупредување и одговор на епидемиите координирана од Светската здравствена организација, изјави дека нема да се вратиме во нормала наскоро, објави британскиот весник „Гардијан“.
„Знаеме дека мора да постигнеме колективен имунитет и тоа ни треба во повеќето земји, така што тоа нема да се случи во 2021 година“, рече тој.
Можеби има некои земји кои би можеле да го постигнат тоа, но и тогаш ситуацијата нема да биде нормална, особено во однос на контролата на границата, додаде Фишер.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
