Во Србија пристигнаа уште 50.000 дози на руската вакцина „спутник В“

Авион со нов контингент на руската вакцина „спутник В“ слета на аеродромот „Никола Тесла“ во Белград.

„Денес, напладне, ќе пристигнат уште 46.800 вакцини на 'Фајзер', што значи дека заедно со овие дози, вкупно два милиони вакцини се доставени во Србија“, изјави премиерката на Србија, Ана Брнабиќ.

Според зборовите на министерот за иновации, Ненад Поповиќ, станува збор за првата компонента на вакцината со која 50.000 луѓе ќе можат да се вакцинираат.

Поповиќ изрази задоволство, бидејќи испораката на вакцини од Русија се одвива според договорената динамика.

„Се согласивме да купиме два милиони вакцини од Русија. Очекувам до крајот на март, односно во текот на првата половина на април, целата договорена количина на вакцини да биде доставена до Србија“, рече Поповиќ.





Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk



Можеби ќе ве интересира:

Сите статии објавени на МТМ.мк се во согласност со ИАБ етичкиот кодекс


© MTM ТВ Дооел - Скопје. Сите права се заштитени.