1-ва Скопска - МТМ Телевизија

Русија го започна повлекувањето во постојаните бази на воените сили кои беа ангажирани во воени вежби на југот на земјата, на границата со Украина.

„Во согласност со упатствата на рускиот министер за одбрана, генералот на армијата Сергеј Шојгу, силите на јужниот воен округ и воздухопловните сили, вклучени во случаи на ненадејна инспекција, започнаа да се враќаат во своите постојани бази на 23 април“, се вели во соопштението на руското Министерство за одбрана.

Министерството објави дека воените единици и формации во моментов се движат кон железничките станици и аеродромите и дека тие се качуваат на бродови и авиони на воено-транспортната авијација, пренесува ТАСС.

Полигонот „Опук“ на Крим вчера беше централно место на воените вежби, во кои учествуваа повеќе од 10.000 војници.