1-ва Скопска - МТМ Телевизија

Властите во австралиската држава Нов Јужен Велс денеска го продолжија рокот на карантин во Сиднеј за уште еден месец, објави Ројтерс.

Усвојувањето на оваа мерка беше диктирано од фактот дека во Сиднеј продолжува да се шири верзијата Делта на коронавирусот.

Карантинот се очекуваше да заврши во петок, но беше продолжен до 28 август, изјави пред новинарите премиерот на Нов Јужен Велс, Гледис Берецикјан.

Во последните 24 часа, 177 нови случаи на инфекција со коронавирус се пријавени во Нов Јужен Велс. Еден ден порано, имаше 172 нови случаи.

„Сфаќам што сакаме од луѓето во следните четири недели, но тоа е затоа што сакаме да ја заштитиме нашата заедница и да можеме да се опоравиме што е можно побрзо“, рече Берецикјан.

"Луѓето навистина постојано треба да ги следат правилата", рече таа.