Затворска казна за белоруски новинар за навреда на претседателот
- Детали
- Категорија: Свет
- Создадено: 02 Август 2021
Судот во Белорусија осуди новинар на една ипол година затвор за навреда на претседателот во пораки во избришана чет група, објави белоруската асоцијација на новинари.
Пресудата против Сиархеј Харџијевиќ (50) е дел од масовната пресметка што белоруските власти неодамна ја спроведоа против независни медиуми и активисти за човекови права, објави АП.
Харџијевиќ денеска беше прогласен за виновен за навреда на претседателот и за клевета на полицајците, според здружението.
Судот го осуди на затвор и парична казна од 1.600 долари.
Обвиненијата против новинарот беа покренати поради пораки во групата за разговор на апликацијата за пораки „Вибер“, која беше избришана минатата година.
Харџијевиќ, кој работел за регионалниот весник „Први регион“, изјави дека не се смета себеси за виновен.
Неговите адвокати побараа отфрлање на обвиненијата поради недостаток на докази и поради тоа што кривичното дело било невозможно да се утврди.
Вкупно 29 белоруски новинари се во затвор или чекаат судење или веќе издржуваат затворска казна.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс