Демонстранти во Словенија светеа со ласер во полициски хеликоптер, оштетен видот на еден од пилотите
- Детали
- Категорија: Свет
- Создадено: 14 Октомври 2021
Екипажот на полициски хеликоптер кој вчера ги контролираше демонстрациите против владата над центарот на Љубљана беше загрозен од ласер насочен кон него од еден од демонстрантите, објави денеска полицијата.
„Непознати сторители насочија ласер кон хеликоптерот, што претставува опасност да го оштети видот на членовите на екипажот“, се вели во соопштението на полицијата.
„Во конкретниот случај, еден од пилотите се здоби со оштетување на окото и побара медицинска помош. Степенот на неговите повреди сѐ уште не е познат", соопшти полицијата.
На улиците во Љубљана илјадници луѓе вчера повторно демонстрираа главно поради задолжителните сертификати за вакцинација.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс