Италијанец се обидел да се вакцинира со лажна рака

Италијанец кој сакал потврда за вакцинација против Ковид-19, а да не се вакцинира, се појавил на закажан термин со лажна рака, соопштија властите.

Маж на околу 50 години се појавил на вакцинација со силиконски калап што му ја покривал десната рака, надевајќи се дека тоа ќе помине незабележано.

 

 

Меѓутоа, медицинската сестра не била измамена и мажот бил пријавен во полиција во градот Бијела, во северозападна Италија.

Медицинската сестра за локалните медиуми изјавила дека видела дека неговата кожа е гумена и студена, а пигментот пресветол, кога му го подигнала ракавот. Откако бил откриен, мажот се обидел да ја убеди сестрата да го затвори едното око, објави „Република“. Наместо тоа, таа го пријавила во полиција за измама.

Наводно се работи за човек кој е суспендиран од работа бидејќи не бил вакциниран, а вакцината е задолжителна за сите здравствени работници во Италија.





Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk



Можеби ќе ве интересира:

Сите статии објавени на МТМ.мк се во согласност со ИАБ етичкиот кодекс


© MTM ТВ Дооел - Скопје. Сите права се заштитени.