Соработници на Навални ставени на листата на терористи и екстремисти
- Детали
- Категорија: Свет
- Создадено: 14 Јануари 2022
Двајца соработници на затворениот руски опозициски лидер Алексеј Навални се ставени на списокот на терористи и екстремисти, објави денеска агенцијата „Франс прес“.
Агенцијата се повика на податоците на Федералната служба за финансиско следење, наведувајќи дека станува збор за Иван Жданов и Леонид Волков, кои биле одговорни за антикорупцискиот фонд на Навални, односно за регионалната мрежа на неговата организација до забраната за работа во јуни 2021 година. Жданов и Волков се во егзил.
Навални, еден од најгласните критичари на рускиот претседател Владимир Путин, беше затворен минатиот јануари по враќањето од Германија. Во Германија се лекуваше од труење, зад кое, како што тврди, стои Кремљ, но тоа Москва го демантира.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
