Захарова со критики за американските новинари

Портпаролката на руското Министерство за надворешни работи Марија Захарова денеска ги критикуваше американските новинари кои за време на прес-конференцијата на американскиот претседател Џозеф Бајден отворено зборуваа за рускиот напад врз Украина, но се воздржаа да прашаат за проширување на НАТО.

„Изненадувачки е како американските новинари зборуваа за рускиот напад врз Украина за време на прес-конференцијата на Бајден, делувајќи како никогаш да не слушнале за проширувањето на НАТО на исток и за обврските на западните земји во однос на неделивоста на безбедноста. Како да не знаат ништо за провокациите на Киев и поддршката што ја добија од Вашингтон“, рече Захарова на Телеграма.

 

 

Ваквото однесување на новинарите таа го оцени како „криминален пропуст“.

Како што јави ТАС С, Западот и Киев неодамна шират гласини за потенцијална руска инвазија на Украина, што портпаролот на Кремљ Дмитриј Песков ги опиша како „празни и неосновани“ тврдења, односно како трик на Западот да предизвика ескалација на тензиите.





Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk



Можеби ќе ве интересира:

Сите статии објавени на МТМ.мк се во согласност со ИАБ етичкиот кодекс


© MTM ТВ Дооел - Скопје. Сите права се заштитени.