Сателитски снимки го покажуваат обемот на уништувањето на „Азовстал“
- Детали
- Категорија: Свет
- Создадено: 13 Мај 2022
Нови сателитски снимки од фабриката за челик „Азовстал“, последното упориште на украинските бранители во разурнатиот Мариупол, го откриваат обемот на уништувањето како резултат на руското бомбардирање на комплексот.
Фотографиите кои ги објави американската компанија Maxar Technologies се направени вчера и на нив се гледа тешко оштетената челичарница.
Веќе два месеца руските сили континуирано ја напаѓаат челичарницата со гранати, проектили и бомби.
Пред евакуацијата, стотици цивили се криеја во фабриката за челик заедно со украинските борци.
Генералштабот на вооружените сили на Украина утринава соопшти дека Русија ги продолжила артилериските и воздушните напади врз Мариупол и дека главните напори и натаму се концентрирани на блокирање и заземање на фабриката „Азовстал“.
Вчера, украински офицер стациониран во фабриката за челик изјави дека сите цивили најверојатно се евакуирани од фабриката, додавајќи дека е тешко да се даде конечна оценка за ситуацијата во целата фабрика за челик поради континуираното гранатирање.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
