Изетбеговиќ: Дрска е изјавата на рускиот амбасадор дека БиХ не треба да влезе во ЕУ
- Детали
- Категорија: Свет
- Создадено: 13 Мај 2022
Бакир Изетбеговиќ, член на Претседателството на БиХ, изјавата на рускиот амбасадор Игор Калабухов дека БиХ не треба да се приклучи на ЕУ ја нарече флагрантно и арогантно мешање во внатрешните работи на БиХ.
За „Национал“, Изетбеговиќ ја анализираше политичката ситуација во земјата, особено кризата во довербата меѓу Хрватите и Бошњаците во Федерацијата БиХ, која настана поради неуспехот на преговорите за промена на изборниот закон на БиХ.
Игор Калабухов во свој текст за „Глас Српске“ од Бањалука пред неколку дена напиша дека граѓаните на БиХ треба добро да размислат дали им е потребно членство во ЕУ.
„БиХ се одлучи за членство во ЕУ и НАТО, со консензус во кој учествуваа и претставници на Србите од Република Српска. Поточно, луѓето на Додик од Сојузот на независни социјалдемократи (СНСД). Ова се наши државни стратегии, официјални документи на БиХ , што дури и дрско е амбасадорот да го коментира тоа, а камоли да ги негира нашите определби“, изјави Изетбеговиќ за „Национал“.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
