1-ва Скопска - МТМ Телевизија

Американскиот институт за проучување на војната претходно соопшти дека Украина најверојатно ја добила битката за градот Харков, но и дека постојат податоци дека Русите се повлекуваат од офанзивата на тој град.

Во нивните последни проценки за конфликтот, аналитичарите на Институтот за војна велат дека Русија е спречена во нејзината намера да го опколи вториот по големина град во Украина и засега се откажала од таа намера.

Харков, кој се наоѓа на североистокот на земјата, некогаш го нарекувале град на тврдините, а за време на оваа војна го оправдувал своето име, пишува Би-Би-Си.

Од почетокот на руската инвазија на Украина, заземањето на градот е една од главните цели на руските сили.

Американскиот институт наведува дека украинските сили ги турнале Русите до границата, но дека засега не може да се зборува за целосно повлекување на Русите, како она што се случи во предградијата на Киев кога тие целосно ја напуштија областа.

Интензивни борби се водат во регионот на Донбас, во источна Украина, објави на Фејсбук украинскиот гувернер на областа Луганск, Серхи Гајдаи.

Тој додаде дека има бројни загуби во опрема на руска страна.