Ердоган: Исходот од борбата ќе е поволен, никој нема да ја спречи Турција да ги обезбеди границите
- Детали
- Категорија: Свет
- Создадено: 27 Ноември 2022
Турскиот претседател Реџеп Таип Ердоган изјави дека никој не може да ја спречи Анкара да ја обезбеди безбедноста на своите граници, а според него, исходот од турските воени операции во северен Ирак и Сирија ќе биде успешен.
Од 20 ноември Турција спроведува воздушна операција против сириското крило на забранетата Курдистанска работничка партија (ПКК) во северна Сирија – беа пријавени напади врз градот Кобане, како и врз северен Ирак. Ердоган операцијата ја нарече успешна и не исклучува дека ќе следи копнена операција.
„Турција има право да преземе секакви мерки за да ја обезбеди сопствената безбедност, безбедноста на своите граници. Никој не може да не спречи да го искористиме ова право“ – рече Ердоган во Истанбул.
Според него, „во тешки зимски услови се води важна битка и во Запа (во северен Ирак) и во северна Сирија.
„Исходот од оваа борба ќе биде поволен“ – нагласи тој, пренесува РИА.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
