(ВИДЕО) Роботи ќе прават роботи во фабрика во Кина
- Детали
- Категорија: Технологија
- Создадено: 10 Февруари 2019
Во Шангај се планира изградба на фабрика во која роботи ќе прават роботи. Оваа фабрика чија вредност се проценува на 150 милиони долари планира да ја изгради швајцарско-шведската компанија „АББ груп“.
Планираат погонот да го отворат во 2020 година и од него да ја создадат најмодерната фабрика за роботи и софтвер на светот, во која роботите ќе прават роботи. Во овој случај луѓето ќе ја надгледуваат работата на целиот роботски погон, а во производствениот процес ќе им помогнат познатиот робот на „АББ“, „ЈуМи“ и автомобил на автопилот, кој ќе служи за достава на потребните суровини.
Инаку, одделот на „АББ“ за роботика се занимава со производство на роботи за други фабрики, а нивните производи најчесто се користат во производство на автомобили, составување електронска опрема и во прехранбената индустрија. Со изградбата на новата фабрика во Шангај, вложувањата на оваа швајцарско-шведска компанија во Кина ќе достигнат речиси 2,4 милијарди долари.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс