Протести во Москва против законот за интернет
- Детали
- Категорија: Технологија
- Создадено: 10 Март 2019
Неколку илјади луѓе денеска се собраа во Москва и во два други руски градови на протести против законот за интернет, бидејќи стравуваат дека може да дојде до интернет цензура за руските корисници.
Полицијата приведе 15 лица и ги конфискуваше нивните транспаренти, тврди опозициски активист на Твитер.
Меѓутоа, полицијата не соопшти дека некој е уапсен.
Митингот е организиран како одговор на предлог законот со кој се предвидува целиот интернет сообраќај да се насочи преку серверите во Русија, со што виртуелните приватни мрежи ќе станат неефикасни.
Протестите во Москва, Вороњеж и Хабаровск се официјално одобрени, додека неколку активисти во Санкт Петербург излегоа на улиците без согласност на власта.
Нацрт законот го помина првото читање во Државната дума, Долниот дом на Парламентот.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
