Фејсбук ги отстрани налозите во неколку земји
- Детали
- Категорија: Технологија
- Создадено: 04 Октомври 2019
Фејсбук отстрани повеќе страници, групи и налози од своите платформи во Обединетите Арапски Емирати, Египет, Нигерија и Индонезија поради, како што е наведено, координирано неавтентично однесување.
Од Фејсбук соопштија дека на отстранетите налози се ширеле содржини на теми како што се активности на Обединетите Арапски Емирати во Јемен, иранскиот нуклеарен договор и критиките на Катар, Турција и Иран, пренесува „Ројтерс“.
Компанијата неодамна започна да ги затвора ваквите налози, откако беше критикувана во последните неколку години затоа што не развила алатки за борба против екстремистичките содржини и пропагандни активности, што и самата го признала.
Оваа година Фејсбук ги отстрани налозите во Ирак, Украина, Кина, Русија, Саудиска Арабија, Иран, Тајланд, Хондурас и Израел.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс