1-ва Скопска - МТМ Телевизија

Во наредните недели, Израел ќе тестира нов ласер кој го олеснува фаќањето на беспилотни летала или противтенковски ракети, соопштија властите, а пренесува Франс прес.

 Според израелското Министерство за одбрана, овој „технолошки чекор напред“ ќе го зајакне противвоздушниот арсенал на еврејската држава.

„Израелскиот развиен ласер ќе може да пресретне „се што е лансирано“  против еврејската држава, вклучувајќи ракети со среден и долг дострел, противтенковски проектили и беспилотни летала“, рече претставник на министерството.

Министерството за одбрана оваа година ќе тестира со амбиција да инсталира нови ласери на мобилните платформи за да ги заштити војниците и страниците на теренот.

Властите велат дека овој напредок се должи на употребата на електрична енергија наместо хемија за производство на ласерска моќ, што го прави поефикасно и поевтино од ракетите што се користат во моментов за да се неутрализираат воздушните закани.

„Сепак, најважниот фактор е факторот на брзина, бидејќи ласерот, откако ќе ја идентификува својата цел, може да ја елиминира за секунда“, рече Исак Бен Израел, поранешен шеф за истражување во Министерството за одбрана, кој сега раководи со програмата на Универзитетот во Тел Авив.

„Израел веќе има добар систем за воздушна одбрана. Сепак, тој призна дека слабата видливост како резултат на облаци или песочна бура може да ја ограничи употребата на технологијата.