Најздравиот начин да го ревитализирате вашето тело со витаминска бомба е преку природен домашно исцеден сок.

Свежите сокови од овошје го чистат организмот од насобраните токсини, а соковите од зеленчук го регенерираат, додека заедно го зајакнуваат имунитетот.

Потребен е само соковник и добра волја, па чашата на здравјето ќе биде и чаша на задоволство. Го препорачуваме сокот од јаболко.

Сокот од јаболко содржи пектин кој ги чисти црниот дроб и цревата и ја обновува цревната флора. Ги апсорбира отровите од цревата и со тоа го олеснува прочистувањето на крвта и кожата, а исто така го подобрува и излачувањето на мокрачната киселина.

Благодарение на изобилното количество витамини и минерали, сокот од јаболко ги чува срцето и крвните садови и го намалува нивото на холестерол во крвта. Сокот мора да биде 100% чист, без додаток на шеќер.