Научници од Русија, Германија и Словенија зголемија биолошка активност кај импланти со помош на нано и микрочестички, објавија медиумите.

По вметнувањето на ваквите импланти во организмот коскеното ткиво ќе се опоравува побрзо, соопшти прес-службата на Министерството за наука и високо образование на Русија.

"Научниците извршија комплексно истражување на специјални композитни материјали, познати како "скелети", за регенеративната медицина. Овие "скелети" овозможуваат брзо обновување на коските кај фрактури и повреди. Извршените биолошки истражувања на клетките покажаа дека коскеното ткиво ќе се опорави побрзо", се вели во информацијата на прес службата.