УЕФА решава за црвениот картон на Роналдо на 27 септември
- Детали
- Категорија: Спорт
- Создадено: 20 Септември 2018
Дисциплинската комисија на УЕФА ќе го разгледа случајот со црвениот картон на Кристијано Роналдо на седница на 27 септември.
Португалецот беше избркан во првото полувреме при победата на Јувентус со 2:0 синоќа над Валенсија во Лигата на Шампионите. Роналдо го фати за косата Џејсон Мурило од Валенсија и по консултација со арбитерот на гол линијата, главниот судија Феликс Брих му покажа црвен картон на мегаѕвездата.
За стореното, Роналдо сигурно ќе претрпи еден натпревар казна, но санкцијата може да биде зголемена до три натпревари по проценка на УЕФА.
Интересниот момент во случајот е дека ако биде зголемена казната на Роналдо, тој ќе го пропушти гостувањето против својот поранешен тим, Манчестер Јунајтед на 23 октомври.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
