All for Joomla All for Webmasters

Само три средби се одиграа во НБА лигата. Оклахома стигна до убедлива победа против Њујорк Никс со 105:84. Натпреварот беше одлучен во третата четвртина во која Оклахома успеа да стигне до сигурна предност и без проблеми да ја задржи.
 
Во Евролигата се одиграа 4 средби од 2.коло. Во дербито Реал Мадрид ја победи ЦСКА Москва со 82-69. Шпанскиот тим средбата ја заврши со 12 резлизирани „тројки„ за на крајот да оствари висока победа.
 
Државната изборна комисија ги одби сите поднесени приговори за првиот круг од Локалните избори што се одржаа во неделата.
 

Фернандо Алонсо потпиша нов договор со Мекларен

Двократниот светски Ф1 шампион Фернандо Алонсо потпиша нов договор со Мекларен. Тој ќе остане во тимот на Мекларен и во 2018 година, негова четврта едноподруго сезона со тимот од Вокинг.
 

Реал Сосиедад го декласира Вардар со 6:0 во Скопје

Со единаесетте натпревари се комплетираше 3 коло во фудбалската Лига Европа. Вардар беше декласиран од Реал Сосиедад за 6-0 во Скопје. Ова беше трет висок пораз во третиот меч за Вардар во првата сезона во Лига Европа.
 
Ракометарот и репрезентативец Стојанче Стоилов денеска се вклучи во кампањата „Јас внимавам“ чија цел е подигнување на свеста за потребата од поголема безбедност во сообраќајот. 
 

Шест кратки филма на фестивалот „Шнит"

Шест краткометражни филмови од шест земји ќе бидат прикажани на меѓународниот филмски фестивал „Шнит“ кој ќе се одржи вечер во Кинотеката на Македонија од 20 часот.
 

Три нови случаи на мали сипаници

Три нови случаи на мали сипаници се регистрирани во текот на изминатата недела (од 14 до 20 октомври) во Република Македонија, со што вкупниот број заболени, заклучно со денеска е 17. Ова се наведува во извештајот што денеска на својата веб страница го објави Институтот за јавно здравје на Република Македонија.
 
Проширување на основите за дискриминација, меѓудругото и сo дискриминација по основ на сексуална ориентација, унапредување на работата на Комисијата за заштита од дискриминација, со цел поефикасно решавање на претставките, дефинирање на нејзините надлежности и кога тие се префрлаат на суд, има меѓудругото за цел новиот Предлог закон за заштита од дискриминација кој во драфт верзија беше презентиран денеска на јавна дебата.
 
Најновата проекција на Светска банка за растот на македонската економија во 2017 година е 1,5 проценти. Според објавените податоци во извештајот на Светската банка насловен „Миграција и мобилност“, БДП годинава ќе има раст од 1,5 проценти, следната година 3,2 проценти, а во 2019 година 3,9 проценти.
 
Од Центарот за јавно здравје - Скопје информираат дека за три дена 2.000 граѓани примиле вакцина против сезонски грип. Посочуваат дека е голем интересот за вакцини против сезонски грип.
 
Следниот месец треба да се реализира изместувањето на делот од 400 киловолтниот интерконективен далекувод во близина на Неготино, што е неопходно да се направи за да може да се пушти во употреба автопатот Демир Капија - Смоквица.
 

© 2017 MTM ТВ Дооел - Скопје. Изработка и хостинг: Делта Софт ЛТД - Гевгелија. Сите права се заштитени. | Мапа на сајтот | RSS |