СЕХА Лига: Вардар рутински до победа против Војводина
- Детали
- Категорија: Спорт
- Создадено: 02 Октомври 2018
Екипата на Вардар забележа победа против Војводина со 33:26 (17:15) во петтото коло од регионалната СЕХА лига.
Иако играше со ослабен состав, откако одмор добија голманот Милосављев, Мораеш и Борозан, ракометарите на Роберто Гарсија Парондо покажаа стабилна игра и победата во ниту еден момент не беше доведена во прашање.
Кисељов со девет погодоци беше најефикасниот ракометар во Вардар но и на теренот. Калифа Гебдан во своето деби на голот на Вардар запиша девет одбрани.
За екипата ова беше петта победа во регионалното натпреварување и останува на врвот на табелата со 15 бодови.
Следниот натпревар во СЕХА лигата, македонскиот тим го игра на 16 октомври на гости против ППД Загреб.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
