All for Joomla All for Webmasters

Агрометеоролошките станици во Преспа го намалија прскањето на јаболката до 30 проценти

Преспа

Седум агрометеоролошки станици на различни локации во Преспа покажуваат дали и кога има потреба од прскање пестициди кај овошките, со цел намалување на прекумерната употреба од хемиски препарати.


Земјоделците, како што информира претседателот на Здружението на овоштари во Преспа Љубе Пампулевски, преку смс порака или на страницата на Здружението на социјалната мрежа фејсбук добиваат известување кога и со какви препарати треба да ги прскаат насадите и да се запази концентрацијата при третирњето за да спречат болести или штетници. Тоа, според него, придонесува за намалување на трошоците и  максимална заштита на животнта средина и подземните води на Преспанското Езеро.


- Со функционирањето на овие станици третирањето се намалува за една третина или 25 до 30 отсто. Со тоа имаме заштеда во пари, време, работа и гориво, како и заштита на животната средина. Но, клучното нешто е овоштарите да ги упатиме кога и со што треба да ги третираат овошните насади. Доколку препаратот што се нанесува не е во соодветно време нема ефект, појасни Пампулевски.


Овие мерки, заклучи дека најмногу ги применуваат помладите и посериозните земјоделци, кои професионално се занимаваат со овоштарство.


- Не можеме да влијаеме 100-процентно кај земјоделците, но оние што ги применуваат мерките го чувствуваат бенефитот во квалитетот на родот и финансиските заштеди. Од година во година советите се поприфатени, рече Пампулевски.


Агрометеоролошките станици  мерат околу 40 параметри меѓу кои температурата и влажноста на воздухот, брзината на ветерот, сончевата радијација...  и врз оснива на тоа во агрохемиска лабараторија се утврдува каков е ризикот од појава на болести или штетници. Опфаќаат околу 90 проценти од обработливото земјиште во Преспа.

   

Забрането е превземање или копирање на авторски содржини (текстови,фотографии,видеа) без претходна писмена согласнот од МТМ ТВ. Доколку сметате дека вашето авторско право е повредено, ве молиме контактирајте не на Оваа е-адреса е заштитена од спамботови. Треба да ви е овозможено JavaScript за да ја видите.

© 2017 MTM ТВ Дооел - Скопје. Изработка и хостинг: Делта Софт ЛТД - Гевгелија. Сите права се заштитени.