All for Joomla All for Webmasters
Граѓаните да помогнат во откривањето на луѓето кои фрлаат отров против кучињата во Скопје, апелираат градоначалникот на општина центар Саша Богдановиќ и од полициската станица Центар. Како што информираше градоначалникот Богдановиќ предвидени се и парични награди за граѓаните кои ќе пријават или достават каков било релевантен податок. Во општина Центар дневно стигнуваат по четири до пет пријави за расфрлан отров на разни локации.
 
Општина Центар во 2018 го продолжува проектот, “Центар се грижи за возрасните“, за нега на возрасните граѓани кои живеат на територија на општината.
 

Акција за расчистување на Општина Центар

Акција за чистење на дивите депонии и јавните површини се спроведува во Општина Центар. Во акцијата се вклучени вработените во јавните комунални претпријатија, општинската администрација, граѓани и доброволци преземени од Агенција за вработување преку Градот Скопје.
 
Граѓаните и невладините организации активно дискутираа со своите предлози за приоритетни проекти кои треба да влезат во програмите и буџетот на општина Центар за 2018-та година. Градоначалникот на општината Саша Богдановиќ истакна дека парите наместо за проектот ,,Скопје 2014,, ќе ги намени за училиштата и градинките.
 

Кампања на ЈП ПОЦ за совесно паркирање на автомобилите

Јавното претпријатие за јавни паркиралишта „Паркинзи” на Општина Центар и граѓанската иницијатива „5до12“ денеска потпишаа меморандум за соработка и ја претставија кампањата „Паркирај совесно! Не им го одземај паркинг местото на оние на кои им е најпотребно“ со цел да се подигне свеста на возачите да не се паркираат на места наменети за лица со посебни потреби и да се посочи проблемот со непрописното паркирање низ градот.
 

Без парно објекти во центарот на Скопје

Поради дефект на топловодната мрежа кај трговскиот центар „Палома Бјанка“ прекината е испораката на топлинска енергија во објекти во строгиот центар на Скопје, соопшти Дистрибуција со топлина „Балкан Енерџи“.
 
Општина Центар во текот на месец ноември спроведува акција за собирање на отпадната електрична и електронска опрема директно од домовите на граѓаните „Донеси стар уред и земи ваучер со попуст за нов“.
 

Многу промени во Општина Центар со новиот градоначалник

Изградба на нова градинка во Маџир Маало, изградба на два монтажни паркинзи, реконструкција на фасадите на училиштата и градинките се дел од проектите за кои ќе бидат предвидени средства во Буџетот за наредната година во Општина Центар. Покрај ова градоначалникот Саша Богдановиќ на денешниот брифинг најави и промена во начинот на паркирањето, односно на сервисните и станбените улици ќе имаат право да паркираат само станарите, додека пак на останатите поголеми паркинзи цената ќе биде зголемена и до 50%.
 

Започна доградбата на ООУ "Гоце Делчев" во општина Центар

Општина Центар ја почна доградбата на основното училиште "Гоце Делчев" на површина од 532 м2. Учениците ќе добијат шест нови училници, три помошни простории, а дел од зафатот и поставување на лифт за деца со инвалидност и пречки во развојот.
 
Советниците на општина Центар - Скопје денеска ја прифатија донацијата од 12 уреди за прочистување на воздухот, кои се наменети за Јавната установа за деца, Детската градинка "13 Ноември" во општина Центар.
 
Ротари клубот Скопје – Камен Мост денеска на Денот на ослободување на Скопје, донираше 12 прочистувачи на воздух за децата од центарската градинка “13-ти Ноември“.
 

Загадувањето може да го поскапи паркирањето во Центар

Во контекст на решавање на проблемот со загадувањето и намалувањето на причинителите, општина Центар размислува за поскапување на цената за паркирање во централното градско подрачје, што според општинарите, ќе ги премисли граѓаните наместо со автомобил, да користат друго превозно средство.
 

© 2017 MTM ТВ Дооел - Скопје. Изработка и хостинг: Делта Софт ЛТД - Гевгелија. Сите права се заштитени. | Мапа на сајтот | RSS |