All for Joomla All for Webmasters

Книга за македонскиот стрип во изданијата на новосадски „Дневник"

Книга за македонскиот стрип

Во Младинскиот културен центар денеска ќе биде промовирана книгата „Македонскиот стрип во изданијата на новосадски „Дневник‘“ на авторите Александар Стеванов, Дарко Богданов и Сашо Гачев. Објавена е со поддршка од фестивалот „Скопје креатива 2018“.

 

Во неа се опфатени стриповите на македонски автори објавени во популарните изданија на издавачот „Дневник“ од Нови Сад, а содржи и анализа за нивното културолошко влијание. Покрај историјатот и фактографијата на објавените стрипови, тие се разработени и преку 10 рецензии од визуелен и драматуршки аспект, а претставени се и повеќе насловни страници, како и некои порепрезентативни цртежи во нив.

 

- Книгите посветени на македонската стрип-историја се неверојатно малку и во последниве речиси триесет години се објавени само две. Токму затоа оваа публикација, која изнесува на виделина некои досега непознати настани од македонското стриповско минато, претставува храбар чекор кон надминување на таа ситуација и подигање барем за едно скалило повисоко на општествениот статус кој го има стрип-уметноста во Македонија, истакнува Александар Стеванов, еден од тројцата автори на книгата.

 

Извор: МИА

   

Забрането е превземање или копирање на авторски содржини (текстови,фотографии,видеа) без претходна писмена согласнот од МТМ ТВ. Доколку сметате дека вашето авторско право е повредено, ве молиме контактирајте не на Оваа е-адреса е заштитена од спамботови. Треба да ви е овозможено JavaScript за да ја видите.

© 2017 MTM ТВ Дооел - Скопје. Изработка и хостинг: Делта Софт ЛТД - Гевгелија. Сите права се заштитени. | Мапа на сајтот | RSS |