All for Joomla All for Webmasters

Предавање и работилница за трендовите во современиот театар

Кино Култура

„Кој е авторот?‘ - Актуелни трендови во современиот германски театар“ е насловено предавањето кое денеска во „Кино Култура“ ќе го одржи Улрике Зиха - драмска авторка и драматург од Хамбург, Германија. 


Нејзиното предавање, по кое ќе има и работилница, го организира Македонскиот центар на Интернационален театарски институт, и е дел од неговата програмаа „Сирота мала богата драма (2018-2020)“.


Темата за оваа 2018 година е „Современи германски драмски автори (2010-2017)“ и во овој контекст предавањето на Зиха е посветено на креативното прашање - „Кој е авторот?‘ - Актуелни трендови во современиот германски театар“.


- Предавањето ќе овозможи преглед на актуелните трендови во современиот германски театар (2010-2017), преку видео и текстовни примери. Ќе ви ги претстави влијателните гласови од доменот на пишаната драма, поделениот театар и друг тип на текстовни продукции, нудејќи директен поглед во поврзани дебати, соопшти ИТИ Македонија.


По предавањето ќе следува креативна практична работилница: „Кој сум јас, авторот? - Стратегии за пишување и предизвици во современиот театар“, наменета за драмски автори кои се на почетокот на својата кариера.


- Ќе бидат дискутирани предизвиците и хазардерството на современото драмско пишување, вклучувајќи ги и променливите видови на авторство и нивниот импакт врз позицијата на авторот во театарот денес. Работилницата е наменета за драмски автори, писатели, поети, преведувачи од германски јазик кои зад себе имаат најмалку еден објавен или еден поставен драмски текст; најмалку една објавена авторска книга, најмалку еден книжевен превод, наведува ИТИ Македонија.

   

Забрането е превземање или копирање на авторски содржини (текстови,фотографии,видеа) без претходна писмена согласнот од МТМ ТВ. Доколку сметате дека вашето авторско право е повредено, ве молиме контактирајте не на Оваа е-адреса е заштитена од спамботови. Треба да ви е овозможено JavaScript за да ја видите.

© 2017 MTM ТВ Дооел - Скопје. Изработка и хостинг: Делта Софт ЛТД - Гевгелија. Сите права се заштитени.