1-ва Скопска - МТМ Телевизија

Најстудено утрово е во Крушево каде што се измерени -7 степени, а најтопло е во Гевгелија каде минималната температура е 4 степени.

Во Берово, Пожаране и Крива Паланка измерени се -7 степени, во Ѓуриште и Претор -4, во Петровац кај Скопје, Охрид, Дебар и Тополчани -3, во Прилеп и Скопје -2 и во Виница, Штип, Тетово и Битола -1. Во Струмица се измерени 0 степени, а во Демир Капија 2 степена. 

Во текот на денот ќе биде сончево со мала облачност и ќе дува слаб северен ветер. Температурата ќе се движи во интервалот од 4 до 11 степени.

Во Скопје слично време со температура до осум степени. 

За време на викендот времето ќе биде стабилно и суво со ниски утрински температури. Дневните ќе бидат во пораст, што ќе предизвика топење на снежната покривка, особено во сабота. Во недела ќе има зголемување на облачноста, а преку ноќта ќе има повремени врнежи од дожд и снег. Во почетокот на наредната седмица се очекува извесно заладување со повремени врнежи претежно од снег.