Потпишана декларација за етичко известување за теми поврзани со ЛГБТ заедницата
- Детали
- Категорија: Македонија
- Создадено: 20 Март 2018
На иницијатива на Коалицијата Маргини заедно со Советот за етика во медиумите, Здружението на новинари на Македонија, и Агенцијата за аудио и аудио-визуелни медиуми, денеска во Агенцијата за аудио и аудио-визуелни медиуми беше промовирана Декларација за етичко и професионално известување за теми поврзани со ЛГБТИ во медиумите.
Со промоцијата на оваа Декларација иницијаторите ги изразија заедничките заложби и напори да се спречи дискриминаторскиот говор кон ЛГБТИ во медиумите, и да се поттикне заложба кај медиумите за промовирање на сексуалната и родовата различност, и заштитата на правата на ЛГБТИ.
Директорот на Агенцијата за аудио и аудио-визуелни медиуми, Зоран Трајчевски ја нагласи досегашната соработка на Агенцијата со здруженијата на граѓани што ги застапуваат правата на ЛГБТИ, како и активностите на Агенцијата за мониторинг и спречување на дискриминаторскиот говор и говорот на омраза врз основа на сексуална ориентација и родов идентитет.
Марина Тунева од Советот за етика во медиумите ја нагласи важноста од саморегулација во медиумите, како и нивната клучна улога во промоцијата и заштитата на правата на ЛГБТИ луѓето.
Иницијаторите на Декларацијата ги повикаа уште еднаш сите медиуми кои до сега не ја потпишале Декларацијата, да го сторат истото, и со тоа да ги потврдат нивните заложби за, како и да испратат јасна порака до граѓаните дека ги осудуваат дискриминацијата и говорот на омраза кон ЛГБТ луѓето, и ја препознаваат својата улога во застапувањето и промоцијата на човековите права.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс