СДСМ: ВМРО-ДПМНЕ и Мицкоски го бранат криминалот на Груевски
- Детали
- Категорија: Македонија
- Создадено: 09 Декември 2018
ВМРО-ДПМНЕ и Мицкоски го бранат криминалот на Груевски, граѓаните ја поразија таквата матрица, Македонија оди напред
Најголемото црнило беше 11 годишното криминално и расипничко владеење на ВМРО-ДПМНЕ кога парите на граѓаните безмилосно се трошеа за криминални додека државата и граѓаните тонеа во долгови и сиромаштија.
За разлика од таквиот криминален однос, денес економијата е поставена на здрави основи и се движи во нагорна линија.
Растот на платите, растот на БДП од 3 отсто во третиот квартал на 2018 година, намалувањето на невработеноста се последните економски показатели кои ја докажуваат успешноста на економските политики на Владата предводена од СДСМ.
ВМРО-ДПМНЕ и Христијан Мицкоски не можат да понудат ништо, немаат план, немаат идеја и програма што би донеле добро за граѓаните и државата.
Антинародното раководство на ВМРО-ДПМНЕ и пионот Мицкоски нудат само деструкција, блокади и дејствуваат спротивно на интересите на граѓаните.
Затоа Мицкоски и ВМРО-ДПМНЕ организираат протести на кои го бранат криминалот и се закануваат кон судии и обвинители.
Граѓаните и државата избраа да одат напред кон полноправно членство во ЕУ и НАТО, Мицкоски и ВМРО-ДПМНЕ избраа да останат на браникот на криминалите на Груевски и неговите соработници.
ЦЕНТАР ЗА КОМУНИКАЦИИ СО ЈАВНОСТА – СОЦИЈАЛДЕМОКРАТСКИ СОЈУЗ НА МАКЕДОНИЈА
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
