Димитров-Рикер: Сите во САД го препознаваат успехот на Северна Македонија
- Детали
- Категорија: Македонија
- Создадено: 04 Март 2019
Сите во САД се свесни и го препознаваат успехот што го постигнавте со Договорот од Преспа, порача Филип Рикер, цивилен заменик и политички советник на командантот на Европската команда на Американската армија, на денешната средба со министерот за надворешни работи Никола Димитров.
Рикер истакна дека САД ќе продолжат и натаму активно да го поддржуваат регионот на патот кон интеграциите во ЕУ и НАТО.
Министерот Димитров упати честитки до амбасадорот Рикер за неговото именување на функцијата помошник државен секретар на САД за европски и евроазиски прашања, посакувајќи му успех во извршувањето на функцијата.
– Вашето именување на оваа исклучително одговорна функција е добра вест за регионот, Европа и за трансатлантската заедница, рече МНР Димитров.
На средбата беа разменети мислења за актуелните состојби во Република Северна Македонија и во регионот.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
