All for Joomla All for Webmasters

150 учесници во ,,Мапа на културата,, на Еуролинк го запознаа Галичник

,,Мапа на културата,,

Како дел од платформата за Корпоративно општествена одговорност ,,Еуролинк - Вашата врска со вистинските вредности,,, компанијата Еуролик организираше бесплатна еднодневна екскурзија во која 150 учесници го посетија Галичник, како дел од туристичката прошетка ,,Мапа на културата,,.

 

150 учесници, како дел од туристичката прошетка насловена ,,Мапа на културата,, организирана од Еуролинк осигурување го посетија Галичник. Планинското село што лежи на надморска височина од 1150 до 1450 метри ги фасцинира посетителите со својата автентична македонска архитектура, со богатото културно наследство и со восхитувачките пејзажи. Посетителите на бесплатната еднодневна екскурзија уживаа во убавината на мијачкиот регион и во уникатноста на селото Галичник, по специфичните архитектонски обележја на тамошните куќи расфрлени по стрмниот терен на селото. Ја посетија црквата што се наоѓа во срцето на селскиот атар ,,Св. Петар и Павле,,, каде што секоја година на Петровден се одржува надалеку прочуената Галичка свадба, како и малиот селски музеј ,,Вила Доста,,, каде што се изложени делата на големиот македонски преродбеник Ѓорѓија Пулевски.


Денеска Галичник е само туристичка дестинација, живеат само двајца жители бидејќи локалните жители одамна го имаат напуштено. Компанијата повторно ги потврди своите заложби за негување на вистинските вредности и им овозможи на пријавените учесници да се запознаат со убавините на нашата татковина. Активноста е дел од платформата за Корпоративно општествена одговорност ,,Еуролинк - Вашата врска со вистинските вредности,,.

 

   

Забрането е превземање или копирање на авторски содржини (текстови,фотографии,видеа) без претходна писмена согласнот од МТМ ТВ. Доколку сметате дека вашето авторско право е повредено, ве молиме контактирајте не на Оваа е-адреса е заштитена од спамботови. Треба да ви е овозможено JavaScript за да ја видите.

© 2017 MTM ТВ Дооел - Скопје. Изработка и хостинг: Делта Софт ЛТД - Гевгелија. Сите права се заштитени. | Мапа на сајтот | RSS |