1-ва Скопска - МТМ Телевизија

Преполната арена „Борис Трајковски“ во Скопје во саботата ја пречека Северина, која со овој концерт ја продолжи актуелната турнеја надвор од границите на Хрватска.

„Ова е наш трет концерт во арената ‘Борис Трајковски’ и не очекував ваков концерт… Овој пат немавме ниту танчари, но ниту ни требаа, направив сè наместо нив, дури ни голема видеопродукција, но она што навистина ми е битно, затоа што тоа е моето гориво, е одличен бенд, одлични музичари, ги имаше многу на сцената и дадоа сè од себе оваа вечер да остане засекогаш запаметена и засекогаш врежана во срцата на публиката, но и нас самите… И тие и јас бевме вчудовидени и благословени што ги видовме новите генерации како ги пеат нашите песни, како и оние познати луѓе, кои веќе доаѓаа на нашите концерти во Македонија. Му благодарам на Скопје, им благодарам на сите за несебичната љубов што ми ја даваа при секоја композиција и морам да кажам дека ова беше еден од најдобрите концерти… Не ја сметам само Македонија. Еден од најдобрите концерти досега… Благодарам“, изјави Северина по концертот.