Бабунски: Добро ќе се подготвиме за реваншот
- Детали
- Категорија: Спорт
- Создадено: 12 Јули 2018
Тренерот на Вардар, Бобан Бабунски, на прес-конференцијата по натпреварот во Ереван, изјави дека на реваншот очекува неговиот тим да се покаже во подобро светло.
Македонскиот клуб беше поразен со минимални 1:0 на гостувањето кај Пјуник во воведното квалификациско коло за Лига Европа, а Бабунски на домаќините им честиташе за победата.
- Знаевме дека ќе биде тешко, знаевме дека нè чека тешка задача и така се покажа. Ова е само прв дел од овој двомеч. Се надевам дека во Скопје ќе се покажаме во подобро издание. Шансите и натаму се присутни, нема да се предадеме, ќе се обидеме добро да се подготвиме за реваншот и нормално посакувам резултат кој ќе нè однесе во следната рунда. На крајот честитки до Пјуник за победата, изјави тренерот на Вардар.
Реванш натпреварот се игра за седум дена во Скопје.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс