УЕФА ги објави номинациите за гол на сезоната
- Детали
- Категорија: Спорт
- Создадено: 14 Август 2018
Од УЕФА денеска ги објавија 11-те номинации за најдобар гол за претходните 12 месеци во турнирите, под покровителство на евроцентралата. Од секој од нив има по еден номиниран предлог.
За Лигата на шампионите тоа се ножичките на Кристијано Роналдо во дресот на Реал Мадрид против Јувентус. За Лига Европа тоа е голот на Димитриј Паје за Олимпик Марсеј против РБ Лајпциг, а за европските квалификации за СП 2018 беше номиниран Данецот Кристијан Ериксен за неговиот гол против Ирска. Останатите предлози се од турнири по футсал, женски фудбал и младински првенства.
Во 2015 година и 2016 година Лионел Меси ја зеде наградата, а минатата година таа отиде кај Марио Манџукиќ од Јувентус за голот во финалето на Лигата на Шампионите против Реал Мадрид.
Навивачите го избираат победникот, а крајниот рок е 27-ми август, кога ќе биде објавен и најдобриот гол.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
