1-ва Скопска - МТМ Телевизија

Пожарникарите во Грција се борат со повеќе од 90 пожари што вчера се раширија низ земјата. Огромни пожари беснеат во Близина на Атина, на Пелопонез, Закинтос и Кефалонија, јавуваат агенциите.

Пожарот во околината на Атина уништил десетина куќи, а избил и во туристичкото место Каламос и се проширил во уште три града. На подеднакво популарниот остров Закинтос неколку пожари горат веќе четврти ден.

Властите прогласија вонредна состојба, а министерот за правосудство Ставрос Контонис изјави дека пожарите се подметнати. „Ова е палење според организиран план. Нема сомнеж во тоа“, изјави грчкиот министер.

Камповите и куќите во околината на Атина се евакуирани, а стотици жители на Каламос избегале на плажите да преноќат. Сведоци изјавиле дека туристичкиот „рај се претворил во пекол“.