Во Женева ќе се одржи донаторска конференција за Јемен
- Детали
- Категорија: Свет
- Создадено: 03 Април 2018
Во Женева денеска ќе се одржи донаторска конференција за Јемен по иницијатива на ОН, Швајцарија и Шведска кои сакаат да привлечат внимание на тешкотиите со кои се соочува локалното население.
Учесниците на форумот се очекува да објават колкави износи ќе доделат за хуманитарните потреби на Јемен.
Во јануари ОН ја повика светската заедница да обезбеди 2,96 милијарди долари. Канцеларијата на ОН за координација на хуманитарни прашања посочи дека хуманитарната ситуација во Јемен продолжува да се влошува и сега на 22,2 милиони Јеменци или 75 проценти од населението им е потребна помош, што е 3,4 милиони луѓе повеќе од минатата година.
Од август 2014 година, во Јемен има конфликт меѓу властите и бунтовниците хуси.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс