1-ва Скопска - МТМ Телевизија

Нафтениот гигант од Саудиска Арабија, Saudi Aramco, ќе гради огромна рафинерија на индискиот западен брег заедно со три индиски државни компании.

Рафинеријата ќе чини 44 милијарди долари и ќе има капацитет за преработка на 1,2 милиони барели сирова нафта дневно. Брзорастечката индиска економија има големи потреби од нафтени деривати. Овој проект е еден од најголемите на светско ниво од областа на петрохемиската индустрија, наведува компанијата Saudi Aramco. Притоа, Saudi Aramco ќе има 50% удел во проектот, додека остатанатите три компании од конзорциумот ја делат другата половина. Објавата за овој мега проект доаѓа  веднаш по потпишувањето на договорот помеѓу Saudi Aramco и француски Total за изградба на огромен петрохемиски комплекс во Саудиска Арабија во вредност од 5 милијарди долари.