Европскиот парламент го призна Гуаидо за претседател на Венецуела
- Детали
- Категорија: Свет
- Создадено: 31 Јануари 2019
Европскиот парламент усвои резолуција со која го признава Хуан Гуаидо како легитимен привремен претседател на Венецуела, јави дописничката на МИА од Брисел.
Резолуцијата е поднесена од страна на Европската народна партија (ЕПП) и со неа се повикуваат земјите членки на ЕУ и другите институции на Унијата да го сторат истото, сѐ додека не се одржат фер и транспарентни избори во Венецуела.
– Од Европа можеме да помогнеме да се смени режимот во Венецуела, оние кои протестираат во Венецуела не се Европејци, но се борат за истите вредности за кои и ние се бориме, рече потпретседателот на ЕПП, Естебан Гонзалес Понс.
Европскиот парламент со ова станува првата ЕУ институција која го признава Гуаидо како легитимен претседател.
– ЕП сега очекува од другите институции во ЕУ да заземат „едногласна и силна“ позиција по ова прашање, порача претседателот на Европскиот Парламент, Антонио Тајани, по гласањето.
Резолуцијата е усвоена со 439 гласа „за“, 104 „против“ и 88 „воздржани“.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс