САД нема директно да учествуваат во евентуална воена интервенција во Венецуела, тврди венецуелски дипломат
- Детали
- Категорија: Свет
- Создадено: 31 Јануари 2019
САД најверојатно нема директно да учествуваат во евентуална воена интервенција во Венецуела, изјави денеска амбасадорот на Венецуела во Русија, Карлос Рафаел Фариа Тортоса.
– Подготвени сме да ја браниме нашата татковина по секоја цена. Нашиот претседател (Николас Мадуро) е многу јасен во врска со тоа. Нема да дозволиме да не нападне која било земја, дури и ако е толку моќна како Соединетите Американски Држави, иако ние мислиме дека САД нема директно да учествуваат, изјави венецуелскиот дипломат за ТАСС.
Тој додаде дека претседателот на Венецуела настојува мирно да се реши моменталната тензична ситуација.
– Мора да се каже дека сценариото, во кое претседателот Мадуро цврсто верува, предвидува сите проблеми да ги решиме со мирни средства. Нашето сценарио и нашата желба е да го сториме тоа, истакна Фариа Тортоса.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
