УНЕСКО: Нотр Дам не мора да биде ист како што беше
- Детали
- Категорија: Свет
- Создадено: 20 Април 2019
Обновата на париската катедрала Нотр Дам мора да ги заштити универзалните вредности на тоа место, но тоа не значи дека мора да биде реконструирана како што беше, соопшти делегацијата на УНЕСКО по синоќешната средба со францускиот претседател Емануел Макрон.
Претставниците на УНЕСКО искажале подготвеност да помогнат во обновата на Нотр Дам, посебно со давање техничка експертиза.
Генералната директорка на УНЕСКО Одри Азуле изјави дека мора да се почитува „интегритетот и автентичноста" на тој споменик, бидејќи е дел од светското културно наследство.
„УНЕСКО формално го признава правото на секоја генерација да учествува во наследството на човештвото, меѓу другото и преку прилагодување на природните и историските процеси на промени и трансформации и новите можности кои ги нуди напредната технологија", се посочува во соопштението по средбата.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
