1-ва Скопска - МТМ Телевизија

За десетина дена се очекува да заврши реконструкцијата на спортското игралиште кај спортската сала ,,Партизан,,. Со реконструкцијата се предвидува игралиште за мал фудбал, игралиште за кошарка и фитнес центар на отворено.

Во тек е реконструкција на познатото спортско игралиште кај салата „Партизан“. Од Општина Центар информираат дека ова беше идејата која доби најмногу гласови на порталот „Идеи за Центар“, портал каде граѓаните можат да предлагаат и гласаат проекти, а општината потоа ги реализира. Со реконструкцијата се предвидува игралиште за мал фудбал, игралиште за кошарка и фитнес центар на отворено. Мини спортскиот Центар се очекува да биде готов за десетина дена. Од општината ги повикуваат граѓаните што поактивно да споделуваат и гласаат за идеите кои сметаат дека би биле корисни.