All for Joomla All for Webmasters

Почнува реконструкцијата на улицата „Ѓуро Ѓоновиќ" во Маџир Маало

Ул. „Ѓуро Ѓоновиќ"

Почнува реконструкцијата на улицата „Ѓуро Ѓоновиќ“ во населбата Маџир Маало во скопската општина Центар. 


Вкупната должина на улицата е 250 метри, а ширината 14 метри. Тротоарите ќе бидат со ширина од 2,25 метри, а планирано е да има и простор за велосипедисти и пешаци. 


- По опструкцијата од општина Аеродром, со новото општинско раководство постигнавме договор. Kонечно по долги години, Маџир Маало ќе добие улица каква што доликува, изјави денеска градоначалникот на Центар, Саша Богдановиќ.


Планирано е да се изгради и нова атмосферска канализација со што ќе биде решен проблемот со поплавување на улиците. 


Одговарајќи на новинарски прашања, Богдановиќ информира дека е завршена ревизијата на неколку детални урбанистички планови и оти ќе бидат отстранети сите аномалии од претходните ДУП–ви.


За Деталниот урбанистички план за Маџир Маало, Богдановиќ рече дека тој ќе биде усогласен со Генералниот урбанистички план и оти наскоро за него ќе има јавна расправа. Во оваа населба се планира да има комерцијално-станбени објекти, а општината ќе изврши реконструкција и на другите улици и ќе биде изградена нова градинка.


За Деталниот урбанистички план за населбата Пролет, Богдановиќ рече дека нема да се дозволи надградување и додавање во висина на постоечките згради. Од општината најавуваат и санирање на старите и руинирани згради и поставување на нова монтажна гаража.

 

   

Забрането е превземање или копирање на авторски содржини (текстови,фотографии,видеа) без претходна писмена согласнот од МТМ ТВ. Доколку сметате дека вашето авторско право е повредено, ве молиме контактирајте не на Оваа е-адреса е заштитена од спамботови. Треба да ви е овозможено JavaScript за да ја видите.

© 2017 MTM ТВ Дооел - Скопје. Изработка и хостинг: Делта Софт ЛТД - Гевгелија. Сите права се заштитени.