1-ва Скопска - МТМ Телевизија

Летниот период во основните училишта оопштина Гази Баба го користи за реновирање и реконструкција на просториите во училиштата, за обнова на санитарните јазли, средување на надворешниот простор и фискултурните сали, информира општината.

Посета на градежните активности во училиштата Крсте Мисирков и Наум Охридски во Црешево изврши градоначалникот Тони Трајковски.

Во ПООУ „Наум Охридски“ во Црешево поставена е термоизолирана фасада, поставени се симсови на стариот дел од училиштето а цоклето на училиштето е обложено со природен камен, со што ќе се овозможи поголема енергетска ефикасност во училиштето.

Во ООУ „Крсте Мисирков“ во тек се повеќе градежни активности. Изработена е фасада на целото училиште со стиропор и истото е офарбано, заменети се прозорци во неколку училници, а во тек е длетување и молерисување на училниците и на ходниците.

Во дворот на училиштето направени се патеки и летниковец, изработен е зид и ограда околу дворот, како и поставени се врати на главниот влез во училштето и на паркингот.

Исто така, во тек е и реконструкција на фискултурната сала на училиштето.

Градежните работи се очекува да завршат до крајот на август, со цел учениците новата учебна година да ја започнат во реновирани училишта.