1-ва Скопска - МТМ Телевизија

Градоначалникот на Гази Баба Борис Георгиевски остварил средба со унгарскиот амбасадор Ласло Дукс, првиот секретар во Унгарската амбасада Ѓулаш Шомоги и со претседателот на Здружението на Унгарците во Република Македонија „Теледон“ Јожеф Шутуш.

Како што информира Општина Гази Баба, градоначалникот Георгиевски се заблагодарил на Амбасадата на Унгарија и на унгарскиот народ за помошта што ја добило настраданото население во поплавата во август 2016 година. Георгиевски ги претставил можностите на општина Гази Баба и заложбата за реализирање проекти кои ќе го подобрат животот на граѓаните во општината, посебно осврнувајќи се на проектите од инфраструктурата.

Дукс и Георгиевски разговарале за понатамошна соработка и за реализирање заеднички проекти, како и за продолжување на започнатата постапка за збратимување на општина Гази Баба и општината Пештержебет, која е дел од градот Будимпешта.

- На средбата се договори терминот за заедничкото одбележување на националниот Ден на Унгарија во паркот на пријателство во населбата Триангла, со полагање цвеќе на спомен-плочите на Лајош Кошут и Франц Лист, соопшти Општина Гази Баба.