1-ва Скопска - МТМ Телевизија

Општина Ѓорче Петров работи на санација на објектот ,,Кокиче,, на градинката ,,Росица,,. До почетокот на месец август се очекува овој објект кој згрижува 150 деца да добие комплетно нов лимен поктив.

Објектот ,,Кокиче,, на ЈОУДГ ,,Росица,, во општина Ѓорче Петров ќе добие комплетно нов лимен покрив. Од општината соопштија дека зафатите за реализација на проектот се веќе во тек а се очекува да завршат кон почеток на август. Се работи за зафат вреден 2 милиони денари, средства обезбедени од општинскиот буџет со кој ќе биде заменет стариот азбест кров. Инаку во објектот ,,Кокиче, се сместени над 150 деца од предучилишна возраст и е еден од шестте објекти на Детската градинка ,,Росица, која просечно згрижува од 1.000 до 1.200 деца месечно.