1-ва Скопска - МТМ Телевизија

Триесет и шест општини ќе добијат финансиски средства од  Министерството за животна средина и просторно планирање, за изработка на техничка документација и изградба на канализациони системи и системи за одведување и пречистување на отпадни води.

Министерот за животна средина и просторно планирање Садула Дураки на денешното потпиешување на договорите истакна дека во овие области средствата се доделени согласно програмата за инвестирање а предвидени се 45 милиони денари и истите се распределени на 36 општини за вкупно 42 проекти. Договорите денеска ги потпиешаа општините Тетово, Липково, Врапчиште, Град Скопје, Шуто Оризари, Битола  и Берово. Градоначалникот на Град Скопје Петре Шилегов истакна дека со потпиешувањето на овој договор Градот Скопје прима 2 милиона денари од страна на министерството а ќе бидат наменети за изградба на фекална канализација од постоечкиот атмосферски колектор во Општина Чаир. Шилегов додаде дека ќе се погрижи во иднина сите делови на Скопје да добијат еднакви можности.