Независниот синдикат бара враќање на 12-часовните смени за униформираната полиција на СВР-Скопје
- Детали
- Категорија: Град Скопје
- Создадено: 16 Јули 2018
Независниот синдикат на полицијата (НСП) бара итна промена на воведното ново седумчасовно работно време за работниците на униформираната полиција во полициските станици на територија на СВР-Скопје. Според нив, ваквиот начин на работа е крајно непродуктивен, незаконски и штетен како за вработените така и за граѓаните и бараат да се вратат старите смени од 12 часа.
- Спроведениот нов начин на организирање на смените претставува огромен проблем за вработените бидејќи од раководителите-командири, началници не се почитуваат член 128, став 5 и член 134 од Законот за работни односни и член 105 од Колективниот договор на МВР, рече портпаролот на НСП Дејан Саздов. Додаде дека веќе е созадено големо незадоволство кај вработените и оти сите овие работи придонесуваат за пад на моралот и желбата за работа на полицијата.
Саздов изјави дека со цел надминување на проблемите бараат брза и итна средба со началникот на СВР-Скопје Тони Јакимовски на која ќе предложат решенија за надминување на проблемите.
Тој рече дека воведувањето позорна служба треба да се спроведува во согласност со законите и на начин кој ќе биде ефикасен и ќе покаже реална коирист за безбедноста на граѓаните.
Забрането копирање на авторска содржина без претходна писмена потврда од МТМ ТВ ДООЕЛ. Доколку сметате дека вашето авторско право е прекршено ве молиме да не контактирате на info@mtm.mk
Можеби ќе ве интересира:
Сите статии објавени на МТМ.мк се во согласност со ИАБ етичкиот кодекс
