1-ва Скопска - МТМ Телевизија

Над 30-тина дела од поновиот опус на академскиот сликар Новица Трајковски се поставени на новата изложба која денеска се отвори во Домот на култура ,,Илинден,,.

Денеска во галеријата на Домот на култура ,,Илинден,, се отвори ликовната изложба со наслов ,,Убава е Македонија,, на академскиот сликар Новица Трајковски. На изложбата претставени се триесеттина дела од поновиот опус на Трајковски, кој е роден и живее во Општина Илинден.

Новица Трајковски кој е член на ДЛУМ, е познат по тоа што слика во циклуси и тематски серии, какви што се досега афирмираните циклуси ,,Меѓу сонот и јавето,, ,,Од очите на ангелот,, ,,Будење,, ,,Патници,, ,,Пат,, ,,Извор,, и ,,Љубов,,. Во своето портфолио има над 40 самостојни изложби во Македонија и надвор од државата, а бил учесник и на голем број групни изложби и колонии.